- شعب مصر.jpg (22.23 KiB) تمت المشاهدة 27 مرةً
- إيده بيضا : يعني صاحب فضل ومعروف .
- إيده ماسكة : بخيل .
-ايده فِرطَه: كر يم بزيادة .
- إيده طايلة : بيقدر يعمل حاجات كبيرة
- إيده واصلة : واسطتة قوية .
- إيده طويلة : حرامي .
- إيده خفيفة : نَشَّال أو شاطر .
- إيده مخرومه : مبذر ، مسرف .
- إيده طارشة : يعني بيضرب جامد وف أي حته .
- إيده علي قلبه : بيخاف كتير .
-ايدك معايا : ساعدني .
- إيد ورا وايد قدام : ممعهوش حاجه او مايقدرش يعمل
-تسلم ايدك : الف شكر .
-ايدك مِنُّه و الارض : مفيش فايده فيه
-ايدك ع المعلوم : هات الفلوس
-و الايد قصيره : يعني مفلس او غير قادر .
-الي ايده في الميه مش زي اللي ايده ف النار : انت مش حاسس بيه.
-ماسكُه من ايده الي بتوجعه : ماسك عليه زَلَّه
-إيدي علي كتفك : انا معاك أهه .
-ايده تتلف في حرير : شاطر الاداء
-إيدي متكتفه : عاجز إني اعمل حاجه
-جاي و ايده فاضيه : ماجابش حاجه معاه
